Во Битола собрани 500 вреќи комунален отпад

Во Битола собрани 500 вреќи комунален отпад

 

Општинската администрација на Општина Битола еколошкиот викенд го реализира на три локации во овој град каде беа собрани 500 вреќи комунален отпад.

Од секторот за односи со јавност на Општина Битола информираат дека административците чистеле во населбата „Карпош“, во непосредна близина на Градската библиотека и во Нова Битола кај тамошниот градски пазар.

– Во акцијата учествуваа вработените во администрацијата на Општина Битола, но и вработени во администрацијата на други локални и национални институции во градот. Се чистеше на три локации и собрани се над 500 големи вреќи полни со комунален отпад. Логистичка поддршка со механизација и ресурси овозможи ЈП „Комуналец“ со чии специјализирани возила, отпадот е отстранет, информираа од секторот на односи со јавност на Општина Битола.

Општина Битола апелира граѓаните отпадот да го фрлаат на соодветни места, корпи и контејнери, да го селектираат отпадот или да побараат поддршка за гломазен или електронски отпад од ЈП „Комуналец“-Битола.