(ВИДЕО) Османи: Дали е нормално ДУИ да прифати една изборна единица и Албанците да изгубат 10 пратеници?

По најавата на премиерот Зоран Заев дека ако е и од ДУИ е премногу за илјадниците амандмани поднесени против измените на Изборниот законик за македонија да биде една изборна единица и за отворени листи, односно дека ќе ја преиспита коалицијата со интегративците, вицепремиерот Бујар Османи денеска објаснуваше зошто се против.

Тој рече дека не смее ставот за изборните единици да се стави во контекст на коалициските односи.

Според него, со една изборна единица ДУИ добива два пратеника повеќе, но така губат Албанците.

– Вистина е дека една изборна единица повеќе му одговара на ДУИ, затоа што математиката вели дека ДУИ како најголема албанска партија може да земе два пратеника повеќе со една изборна единица отколку со шест, но ќе се намали бројот на албански пратеници, од осум до 10 пратеника. Па сега вие оценете дали е подобро ДУИ да добие два пратеника повеќе или Албанците да загубат осум или 10 пратеници. Еве вие кажете дали е нормално ДУИ да прифати такво нешто – рече Османи

Posted by Bujar Osmani on Сабота, 14 декември 2019