Телефонот на Јанева е пронајден во државава, надвор од Скопје

Телефонот на Јанева е пронајден во државава, надвор од Скопје
23.07.19   11:43

Прочитано : 828

Print This Article

Телефонот што Катица Јанева тврдеше дека го загубила во Белград е пронајден во државава, информираат извори на Алсат, прецизирајќи дека уредот е пронајден надвор од Скопје.

Телефонот е веќе запленет и врз него ќе се спроведе вештачење кое треба да даде одговор – дали постоела телефонска комуникација помеѓу Катица Јанева и осомничените во случајот „Рекет“.

За ова извести Обвинителството преку соопштение што ви го пренесуваме во целост:

„По дадени насоки на Основното јавно обвинителство за гонење на организиран криминал и корупција, во текот на вчерашниот ден е пронајден вториот мобилен телефон на јавниот обвинител по кој се трагаше.

По издавање на првата наредба за одземање на мобилните телефони, беше пронајден само еден мобилен телефон и беше дадена информација дека вториот мобилен телефон бил изгубен.

Обвинителството со издадено барање до мобилните оператори за следење на IMEI- меѓународен идентитет на мобилна опрема на телефонот, го пронајде мобилниот телефон кај друго лице. По што, со наредба на судија на претходна постапка телефонот е одземен. Притоа лицето изјави дека телефонот е добиен на подарок.

Основното јавно обвинителство за гонење на организиран криминал и корупција во континуитет ги преземеа сите дејствија и мерки во насока на целосно расчистување на кривично правниот предмет. Со цел утврдување на натамошни факти, мобилниот телефон по наредба на обвинителството ќе биде предмет на вештачење. Истовремено, обвинителството испитува дали вториот мобилен телефон бил средство на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите“.

  Категории:
view more articles

Останати вести