НБА е во преговори со Дизни за продолжување на сезоната на крајот на јули

НБА е во преговори со Дизни за продолжување на сезоната на крајот на јули

Раководството на НБА започна преговори со Дизни за продолжување на сезоната, пренесува „ЕСПН“.

Станува збор за започнување натпревари на крајот на јули. Дизни е еден од двата најголеми телевизиски партнери на лигата.

– НБА лигата, заедно со здружението на играчи, се во прелиминарни разговори со Дизни за продолжување на сезоната во НБА кон крајот на јули, соопшти портпаролот на лигата Мајк Бас.

Планирано е да се одржат натпревари во спортскиот комплекс „ESPN Wide World“ на Флорида. Здравјето и безбедноста на сите учесници останува наш приоритет, а ние работиме со експерти за јавно здравје и владини службеници за да развиеме сеопфатен пакет упатства за да осигураме дека се следат соодветни медицински протоколи и заштитни мерки, додаде Бас.