Меѓународен конкурс за реконструкцијата на копјестата кула на Нотр Дам

Меѓународен конкурс за реконструкцијата на копјестата кула на Нотр Дам
17.04.19   16:30

Прочитано : 55

Print This Article
Notr dam 02

Францускиот премиер Едуар Филип денеска соопшти дека ќе биде објавен меѓународен конкурс за архитекти за повторна изградба на централната шилеста кула на катедралата Нотр Дам.

Кулата беше уништена во пожарот кој избувна во понеделникот попладне.

Филип рече дека целта на конкурсот е „кулата на Нотр Дам да биде прилагодена на технологиите и предизвиците на нашето време“.

Францускиот премиер соопшти дека се уште не е завршена проценката на цената за работата на обновата на катедралата.

Претседателот на Франција Емануел Макрон рече дека сака обновата на катедралата да заврши за пет години.

Филип нагласи дека тоа „очигледно е огромен предизвик и историска одговорност“.

Дарежливоста на „богатите“ за Нотр Дам не поминува кај дел од француската јавност

Дарежливоста на богатите семејства и на некои од големите компании за обновата на париската катедрала Нотр Дам, при што за помалку од 24 часа беа собрани околу една милијарда евра, на наиде на најдобар одѕив кај целата француска јавност.

Носителката на листата на левичарската партија Непокорна Франција за европските избори, Манон Обри, ја осуди дарежливоста како „маркетинг” на големите компании и богатите семејства, кои најавија големи донации за реконструкцијата на Нотр Дам.

– Не може да го користиме зачувувањето на нашето наследство за маркетинг, како што прават некои, обвини таа, осудувајќи ја трката на компаниите за тоа кој дал најмногу средства, притоа барајќи и даночно ослободување. „Имам чувствувам дека тоа е листа на компаниите и лица во даночните оази, се пошегува таа.

Според неа, поедноставно би било овие фирми и поединци „да почнат да плаќаат даноци“. – Не може да си дозволи да прават маркетинг и потенцијално нивното име да биде ставено на камен во Нотр Дам, а од друга страна да не плаќаат даноци“, критикуваше Обри.

– Навистина сакам да им кажам: почнете да ги плаќате даноците, тоа ќе придонесе за државниот буџет, а со тоа и за буџетот на културата, нагласи таа.

За реконструкцијата на Нотр Дам, неколку француски богати семејства издвоија милионски суми. Така, семејството Пино вети 100 милиони евра, групацијата ЛВМХ и семејство Арно, кое е најбогатото Франција, и семејството Бетанкур-Мејерс и групата Л’Ореал најавија донации од по 200 милиони евра.

Законот од 2003 година на компаниите кои инвестираат во културата им овозможува намалување даноците од приходи за 60 отсто, а за поединци до 66 проценти на данокот на доход. Ова намалување на даноците може да достигне и 90 отсто кога станува збор за културни добра, кои се сметаат за „национално богатство” или се од „голем интерес за национално наследство“.

– Добро е тоа што олигархијата донира за Нотр Дам. Но, плаќањето данок би било уште подобро. Совеста не ги крие сиромаштијата и штедењето, изјави една од лидерите на „жолтите елеци“, Бенжамен Коши.

Француската сенаторка од групата на Зелените, Естер Бенбаса оцени дека со ова „милијардерите ќе бидат херои“. – Тие би можеле да се откажат од затајување на даноците и да обезбедат даночна оптимизација,… преку масовна поддршка на здруженијата и структурите што се грижат за сиромашните лица, општествено маргинализираните и бездомниците, оцени Бенбаса.

По критиките, семејството Пино се откажа од правото за бара даночно олеснување за нивната донација од 100 милиони евра.

  Категории:
view more articles

Актуелно