Макрон: Европската одбрана не е алтернатива на НАТО

Макрон: Европската одбрана не е алтернатива на НАТО

Францускиот претседател Емануел Макрон денеска изјави дека Европската одбрана не е алтернатива на НАТО, туку столб во тој сојуз.

Макрон ова го кажа по завршувањето на самитот на НАТО во Ватфорд, во непосредна близина на Лондон, јавија британските медиуми.

Тој во настапот додаде дека сака јасен одговор од африканските лидери за тоа дали се уште го сакаат присуството на француската војска во Сахел, област меѓу Сахара и Судан. Лидерите на земјите од Сахел тој ги покани на 16 декември да допатуваат во Франција за да го појаснат својот став за француските воени операции во регионот.

Самитот на НАТО заврши денеска, а првите луѓе на Алијансата во заедничката изјава ја потврдија трајната трансатлантска врска меѓу Европа и Северна Америка, и договорот за взаемна одбрана во кој нападот врз една членка ќе се смета за напад врз сите.

На самитот беше заклучено и дека руските акции претставуваат закана за евроатлантската безбедност, како што и се поголемото влијание на Кина претставува предизвик за Алијансата.