Македонија ќе игра руски рулет

Македонија ќе игра руски рулет
12.12.18   22:54

Прочитано : 1,312

Print This Article

Ви пренесуваме дел од колумната на Ерол Ризаов за „Независен“:

Скопската Котлина опколена со планини кога нема ветер да ги оддува отровите е меѓу најзагадените подрачја во светот. Оваа стравотна, но многу бајата вест сè уште ќе ја примавме со спокојство како да се работи за некоја далечна, во џенем, индустриска четврт ако загадувањето преку ноќ не стана значајна политичка пресметка. Ќе си останеше човековата средина мегдан за очајна борба со ветерни мелници само на „здодевните“ екологисти. Политиката и медиумите направија хит од оваа трагедија како сериозна конкуренција и спасоносен вентил бидејќи политичката сцена е повалкана и поотровна од сите други.

Од планините одвреме-навреме ќе дувне посилен северец, кој обессилен одвај ќе се пробие низ кинескиот ѕид до задушените градови и ќе ја расчисти авата на ден-два кога полесно се дише, додека во политичкиот котел вријат отрови чии испарувања ги дишеме и јадеме без прекин, радосни од нова доза како зависници. Во тој казан нема ветре ни лист да заниша, ни дождец колку-толку да освежи.

Целата колумна на „Независен“ на следниот линк.

  Категории: