Казни добиле сите сосе славеникот Ахмети, Груби ја платил
Платни налози по 20 евра за неносење заштитна маска им се изречени на сите 15 функционери од Демократската унија за интеграција кои се сликаа собрани во новата зграда на Министерството за политички систем, потврди Министерството за внатрешни работи.
Груби за медумите потврди дека го примил налогот и дека веќе е платен.
Функционерите на ДУИ на 4 јануари без маски на лицето се сликаа славејќи го роденденот на нивниот лидер Али Ахмети.
Меѓу првите кои ја ја добиле белешката за глоба од 20 евра, а која доколку се плати за 8 дена се намалува на 10, е и заменик министерот за внатрешни работи Назим Буши кој е е на состанокот, но не пријавил никаде дека се кршат протоколи заради тортата на партискиот лидер, информира Телма.
Меѓу последните кому му е доставена белешката е парламентарниот спикер, кому му е однесена дома во гостиварско Форино. Не одговори на нашите повици и прашања.
Функциинерите од ДУИ, како што се најавува, би можеле да бидат дополнително казнети и за прекршување на забраната за собирање, а би можеле да се соочат и со кривична пријава за непостапување според здравствените прописи во време на епидемија. Како што јави Телма, Државниот инспекторат за труд утре ќе го доврши вонредниот надзор и ќе утврди дали е прекршен протоколот за превентивни мерки на сите работни места, донесен од Владата.
Трудовите инспектори ќе проверуваат и дали е сторено кривично дело по член 206 од кривичниот законик, односно непостапување според здравствените мерки во време на епидемија. Директорката на Трудовиот инспекторат Јована Тренчевска изјавила дека утре треба да има информации што утврдиле во Министерството за политички систем.
