Како се калеше ставот за референдумот

Како се калеше ставот за референдумот
8.08.18   20:15

Прочитано : 1,093

Print This Article
loading...
loading...

Ви пренесуваме дел од колумната на Сашо Кокаланов за Призма:

Имаме став за референдумот, но партијата спроведува акција „Лето за Македонија“ и во нејзини рамки се консултира со многу граѓани на дневна основа, со членовите и раководството на партијата и општинските комитети, па ставот ќе го соопшти на 10 септември, соопшти лидерот на ВМРО-ДПМНЕ, Христијан Мицкоски. Со други зборови – немаат баш некој изграден став, но напорно се обидуваат да го добијат со интензивни средби по плажи.

Така што, ако сте на некоја охридска плажа и сте задремале сончајќи се на врелото сонце, да не се изненадите доколку од слатките сништа ве разбуди Христијан Мицкоски и со посветеност на Јеховин сведок ви постави неколку прашања околу смислата на животот, постоењето, смртта, вечноста, па ако немате против да потрошите уште некоја минута од вашето ценето време, зошто да не и за македонско-грчкиот договор.

Ги вадите очилата за сонце и да, тоа е тој, лично и персонално, господинот кој направи совршен спој од личноста на Никола Груевски и очилата на Мартин Протоѓер и се изгради себеси како сосема нов лик.

Се нуди да ви го намачка грбот со крем за сончање, се разбира ако вие бидете љубезни и одвоите неколку минути за да ги одговорите неговите прашања. Не е сам. Со него е Тања Каракамишева, која во дланките топло ги притиска кориците на „тврдокорното“ издание на Уставот.

– Госпоѓо, дали можеби сте го прочитале Светото писмо? А, Уставот на РМ? Не? А, што мислите за второто враќање на власт во земјата на ВМРО-ДПМНЕ? Аха, разбирам госпоѓо, не, не, ништо лично. Само уште едно прашање ќе ве молам – дали мислите дека акцијата бојкотирам е слегување од авион при лет, без падобран?

Целата колумна на Призма на следниот линк.

  Категории: