Рецепт: Јагода-коцки

Рецепт: Јагода-коцки
24.05.19   12:38

Прочитано : 326

Print This Article

Подгответе го овој вкусен колач со јагоди затоа што баш сега е нивното време…

Потребно е:
6 жолчки
6 лажици шеќер
6 лажици млеко
6 лажици масло
6 лажици брашно
1 прашок за печиво
3 лажици какао во прав

за филот:
750 г млеко
250 г шеќер
3 пудинзи од јагода
6 белки
9 лажици шеќер
1 кесичка ванилин шеќер
околу 600 г јагоди
2 шлаг-креми од јагода

Подготовка:
– Изматете ги жолчките со шеќерот, млекото, маслото, какаото, брашното и прашокот за печиво. Оваа смеса сипете ја во тава обложена со хартија за печење и ставете да се пече во претходно загреана рерна на 180 Целзиусови степени.

– Проверете дали е печен колачот со чепкалка за заби. Кога ќе го боцнете колачот во рерна со чепкалката, ако ја извадите сува од колачот, тоа значи дека колачот е печен и извадете ја тавата од рерна.

– Од млекото, шеќерот и пудинзите од јагода подгответе пудинг.

– Во еден сад со миксер изматете ги белките со 8 лажици шеќер и 1 кесичка ванилин шеќер во цврсто шне.

– Шнето додадете го во врелиот пудинг и изматете го убаво со електричен миксер за да ги соедините состојките. Оставете да се излади.

– Јагодите исечкајте ги ситно и додадете ги во горната изладена смеса. Вака подготвениот фил прелијте го преку кората и распоредете го еднакво.

– Изматете две шлаг-креми од јагода и нанесете ги најодозгора на колачот.

– Украсете по желба.

Извор: mia.mk

  Категории:
view more articles

Актуелно