Хаваи: Почнува да се остварува најлошото сценарио – карпи со големина на микробранова летаат од вукланот

Хаваи: Почнува да се остварува најлошото сценарио – карпи со големина на микробранова летаат од вукланот
17.05.18   10:22

Прочитано : 364

Print This Article

Почна да се остварува она на кое геолозите предупредуваа – вулкан на Хаваите почна да „испалува проектили“ со големина на микробранова печка.

Ако продолжат да се остваруваат предвидувањата на експертите, вулканот Килауеа што исфрла лава веќе 10 дена, ќе влезе во фаза на експлозивни ерупции што ќе исфрлат огромна количина пепел и камења во воздухот.

Ерупција од вакви размери не се памети од минатиот век, потсетува „Ројтерс“.

‘Ballistic blocks’ shoot from Hawaii volcano, may mark start of violent eruptions https://t.co/hz2AU2YqE1 pic.twitter.com/YjHdqckpZn

— Reuters Top News (@Reuters) May 17, 2018

Поради интензивната активност на вулканот забранети се бројни летови во опасната зона бидејќи постои голема веројатност вулканската пепел да влезе во моторите на авионите и да ги оштети.

„Се очекуваат уште експлозии и ќе бидат уште посилни“, велат од Американскиот геолошки институт и објаснуваат дека ваквите „огнени топки“ тешки и по неколку тони би можеле да разнесат пепел на оддалеченост од 6 километри.

Ако се реализира до крај ваквото сценарио, делот околу вулканот што веќе е покриен со ситни честички вулкански песок, ќе биде покриен со пепел, а воздухот ќе биде загаден од вулкански смог и ќе биде невозможно непречено да се дише.

Покрај вулканската активност, Хаваи посстојано го тресат и силни земјотреси.

  Категории:
view more articles

Актуелно