Губењето милениче е потрагично отколку што мислат повеќето луѓе

Губењето милениче е потрагично отколку што мислат повеќето луѓе
12.05.19   13:10

Прочитано : 285

Print This Article

Повеќето луѓе ги гледаат своите миленици како дел од семејството. Тие имаат посебно место во нивните срца, а многубројни истражувања покажале дека миленичето може и да ви го подобри здравјето.

Едно од најубавите нешта за миленичињата е тоа што тие се верен придружник во свет каде што луѓето стануваат сè поосамени. Овие врски се навистина силни, па сосема природно е да почувствувате вистинска загуба кога вашето милениче ќе умре.

Наводно, во 2017-та година, една жена чие куче умрело искусила „синдром на скршено срце“. Ова е состојба каде што екстремниот емоционален стрес може да предизвика симптоми на инфаркт.

Жалењето за миленичето никогаш не било прифатливо, а повеќето луѓе не го сфаќаат сериозно. Но, сè повеќе луѓе почнуваат да покажуваат почит кон врската помеѓу миленичињата и нивните сопственици.

Во Јапонија, губењето на домашно милениче се сфаќа навистина сериозно. Всушност, во Токио постојат и кафетерии за жалење каде што одат луѓето кои ги изгубиле своите миленици.

Такеши Нибе, претседателот на Dearpet, најголемата јапонска фирма за олтари за миленици, изјавил дека оваа кафетерија ѝ помага на неговата компанија да продаде многу продукти.

„Многу муштерии кои доаѓаат да ги купат потребните работи за олтар кажуваат дека се чувствуваат подобро откако разговараат со вработените за нивната загуба. Но, често разговорите треба да бидат прекинати бидејќи вработените имаат и други муштерии. Па, решивме да отвориме место каде што ќе можат да разговараат.“

Еден маж од Колорадо објавил и детска книга за смртта на куче миленик. Книгата е наречена „Мистеријата за изгубената опашка на Нитро“ (The Mystery of Nitro’s Long Lost Tail). Авторот Даниел Лениг изјавил дека книгата е за куче по име Нитро.

„Книгата започнува со Нитро, кој раскажува за планетата од којашто дошол и за гравитацијата која е различна бидејќи неговата планета е коцка“ , изјавил Даниел.

„И јас се чувствувам добро кога ја читам, бидејќи знам дека им помагам на луѓето кои изгубиле куче.“

Ветеринарот Дени Меквети изјавил дека на некои луѓе им е потешко да се справат со смртта на миленичето, отколку со смртта на член од семејството.

„По умирањето на миленичето, 95% од луѓето на некој начин ми кажуваат дека ова им било потешко од смртта на блиска личност.“