Драч со паднати фасади, испукани излози и луѓе на улиците по двата силни земјотреси

Драч со паднати фасади, испукани излози и луѓе на улиците по двата силни земјотреси
21.09.19   19:20

Прочитано : 1,097

Print This Article

Два земјотреса со магнитуди од 5.8 и 5.5 степени по Рихтер во период од десетина мунити се случија попладнево во близина на Драч, Албанија, објави Европско-медитеранскиот сеизмолошки центар, а беа почувствувани и во нашата земја, пренесе МИА.

Првиот земјотрес е регистриран во 16:04 часот по локално време со магнитуда од 5.8 по Рихтер и епицентар во Јадранско Море на длабочина од десет километри, на шест километри од Драч и 34 километри од Тирана. Вториот земјотрес бил во 16:15 со магнитуда од 5.5 по Рихтер со епицентар на длабочина од три километри и на седум километри од Драч.

Земјотресите предизвикаа паника кај жителите на Албанија, кои веднаш излегоа на улица. Одредени медиуми пренесоа дека во селото Хељмес се урнале неколку куќи и дека две лица се тешко повредени, а потоа пристигнаа вести за седуммина повредени.



Веднаш по земјотресот медиумите почнаа да пренесуваат снимки и фотографии од штетите. На оваа снимка може да се видат штетите на Геолошкиот универзитет во Тирана.

M5.8 #earthquake (#tërmet) strikes 33 km W of #Tirana (#Albania) 5 min ago. Effects reported by eyewitnesses: pic.twitter.com/3EzmHbZ1oA

— EMSC (@LastQuake) September 21, 2019

Ова се последиците од земјотресите.

Инаку, на интернет-страницата на албанскиот Институт за геонауки, енергија, вода и околина може да се види дека изутринава имало уште еден земјотрес, кој бил послаб (3,2 степени).

 

View this post on Instagram

 

“JOQ, demet e termetit durres porto-romano”.

A post shared by JOQ Albania (@joqalbania) on

Сеизмолошката опсерваторија при ПМФ-Скопје соопшти дека првиот земјотрес, кој е на 190 км југозападно од Скопје, е со Рихтерова магнитуда од 5.6 и беше почувствуван од населението во западните делови од државата со интензитет од IV до V степени, а во останатиот дел со интензитет од III до IV според Европската макросеизмичка скала.

 

View this post on Instagram

 

Durrës.

A post shared by JOQ Albania (@joqalbania) on

Земјотресот е почувствуван и во Црна Гора и Косово.

 

View this post on Instagram

 

Tiranë.

A post shared by JOQ Albania (@joqalbania) on

  Категории:
view more articles

Актуелно