Активист на Беса повикан на информативен разговор во полиција поради поставување навредливи знаци за ДУИ низ Тетово

Активист на Беса повикан на информативен разговор во полиција поради поставување навредливи знаци за ДУИ низ Тетово
12.07.19   21:42

Прочитано : 270

Print This Article

Активистот на движењето Беса, Артан Етеми бил повикан во тетовската полиција на информативен разговор поради поставените знаци на неколку места во Тетово со навредлива содржина за ДУИ.

Претседателот на Беса, Билал Касами по повикувањето на информативен разговор на активистот побара објаснување од тетовската полиција. Тој во изјава за локалната телевизија Коха од Тетово, истакна дека „полицијата треба да ги брани активистите, наместо криминалците“.

-Ова се случува кога политичките партии, власта оди во погрешен правец, наместо да се занимаваат со заштита на граѓаните и да им служи на граѓаните, се занимаваат со заштита на криминална група, која функционира како паралелна група во ДУИ, рече Касами по напуштањето на полициската станица во Тетово заедно со активистот Етеми.

Инаку, група која се нарекува „Младинско движење“ на социјалните мрежи објави дека стои зад поставувањето знаци и налепници со натпис „Јавна куќа ДУИ“.

СВР Тетово соопшти дека непознати лица на 10 локации, односно кружните текови низ градот, на метални столбови и на сообраќајни знаци поставиле знаци и постери со навредлива содржина насочена кон политичката партија ДУИ.

  Категории:
view more articles

Актуелно

view more articles

Останати вести