Адвокатите на обвинетите во „Рекет“: Исказите на сведоците се контрадикторни!

Адвокатите на обвинетите во „Рекет“: Исказите на сведоците се контрадикторни!

Сашко Дукоски, адвокатот на Бојан Јовановски и бранителите на Катица Јанева, Ирена Фрчкоска и Дељо Кадиев, по денешното судско рочиште за „Рекет“ реагираа дека во исказите на сведоците има контрадикторности во однос на тоа што го зборуваат во судот и на тоа што го кажале во обвинителството за време на истрага.

-Ќе утврди судот што е вистина. Судот е тој кој ја утврдува фактичката состојба, но има доста контрадикторности во изјавите на досега сослушаните сведоци“, изјави адвокатот Дуковски.

Адвокатите на Јанева, пак, беа повоздржани.

-Не би сакале да коментираме изјави на сведоци. Ние во овој момент укажуваме на контрадикторности кои ќе ги искоментираме во завршни зборови, рече Кадиев.

Следното рочиште на “Рекет” е закажано за 25 овој месец кога треба да сведочат тројца сведоци.