Седумте најголеми бенефити од решението

Седумте најголеми бенефити од решението
13.06.18   12:44

Прочитано : 1,417

Print This Article
loading...

Ви пренесуваме дел од колумната на Сашо Кокаланов за Призма:

Ден по постигнувањето историско решение за спорот со името, дежурните синоптичари информираа дека температурите во Северна Македонија ќе достигнат до 36-тиот степен. Географската придавка очигледно не направи значителни климатски нарушувања, а не се забележани ниту поголеми и видливи промени во пределот на идентитетот на луѓето што утринава одеа на работа.

Се очекува да биде стабилно, тивко и непроменливо и по потпишувањето на договорот и по неговата ратификација во парламентот. Точно, не се менува име секој ден и нема да е лесна разделбата со ФИРОМ по толку години заедништво, но и тоа некако ќе го преживееме. Впрочем, на оние на кои им паѓа најтешко, никој не може да им забрани да продолжат да си ја користат референцата за приватни потреби.

Еве, на пример, ВМРО-ДПМНЕ, која во семејството на европските народни партии е примена под референцата, може да се обрати во заедничко писмо со сестринската Нова демократија од Грција и да побараат ФИРОМ да остане на беџовите на македонските демохристијани, зашто тие овој договор не го признаваат, а и за спомен кога двете партии добиваа избори на оваа прекрасна, емотивна и до вчера вечна тема.

Останатите македонски патриоти, по потреба и со происход различен од македонскиот, можат за последен пат да си ги гушнат пасошите со уставно име за домашна употреба и бугарските пасоши за надворешна употреба и да почнат да се радуваат што се ближи денот кога сите свои потреби ќе можат да си ги остварат само со еден пасош.

Целата колумна на Призма на следниот линк.

  Категории: