Општината ќе постави семафор на проблематичната локација кај училиштето во Ѓорче Петров

Општината ќе постави семафор на проблематичната локација кај училиштето во Ѓорче Петров
16.04.18   14:49

Прочитано : 151

Print This Article
loading...

На критичното место ќе биде поставен семафор со кој очекуваме целосно да се реши проблемот со сообраќајот, брзото возење и непочитување на пешаците кои минуваат на пешачкиот премин кај училиштето „Мирче Ацев“, соопшти денеска Општина Ѓорче Петров, откако синоќа беше прегазено 10-годишно дете на улицата Борис Сарафов, по што локални жители го блокираа сообраќајот на улицата во знак на протест.

Градоначалникот на Ѓорче Петров Александар Наумоски повика на разумност кај родителите и смирување на тензиите поврзани со овој настан.

„Повикувам пред сè на свесност и совесност кај возачите кои сообраќаат по таа улица, особено затоа што во тој дел од Ѓорче Петров, поради училиштето, во најголем број се движат деца, но и на разумност кај родителите и смирување на тензиите поврзани со овој настан. Исто како и тие, и јас очекувам преку конкретен проект, конечно решавање на проблемот“, вели Наумоски во писмено соопштение.

  Категории: